حدثنا هناد، حدثنا ابو معاوية، عن الاعمش، عن ذر، عن يسيع الكندي، عن النعمان بن بشير، عن النبي صلى الله عليه وسلم في قوله: " وقال ربكم ادعوني استجب لكم سورة غافر آية 60 "، قال: " الدعاء هو العبادة "، وقرا وقال ربكم ادعوني استجب لكم إلى قوله: داخرين سورة غافر آية 60 "، قال ابو عيسى: هذا حديث حسن صحيح.
نعمان بن بشیر رضی الله عنہما سے روایت ہے کہ نبی اکرم صلی اللہ علیہ وسلم نے آیت: «وقال ربكم ادعوني أستجب لكم» ”اور تمہارے رب کا فرمان ہے کہ مجھ سے دعا کرو میں تمہاری دعاؤں کو قبول کروں گا، یقین مانو کہ جو لوگ میری عبادت سے اعراض کرتے ہیں وہ عنقریب ذلیل ہو کر جہنم میں پہنچ جائیں گے“ (المؤمن: ۶۰)، کی تفسیر میں فرمایا کہ دعا ہی عبادت ہے۔ پھر آپ نے سورۃ مومن کی آیت «وقال ربكم ادعوني أستجب لكم» سے «داخرين» ۱؎ تک پڑھی۔
امام ترمذی کہتے ہیں: یہ حدیث حسن صحیح ہے۔ اسے منصور نے روایت کیا ہے۔
(ابوداؤد:1479،ترمذی:2969)
تخریج دارالدعوہ: سنن ابی داود/ الصلاة ۳۵۸ (۱۴۷۹)، سنن ابن ماجہ/الدعاء ۱ (۳۸۲۸) (تحفة الأشراف: ۱۱۶۴۳)، و مسند احمد (۴/۲۷۱، ۲۷۶)، ویأتي برقم ۳۲۴۷) (صحیح)
قال الشيخ الألباني: صحيح، ابن ماجة (3828)
