فرمان باری تعالیٰ اے میرے بندو! تم سب گمراہ ہو مگر جس کو میں راہ بتلاؤں

اگر آپ حق کی تلاش میں ہیں لیکن حق اور باطل میں فرق کرنا نہیں جانتے تو اللہ سے رو رو کر اپنی ہدایت کے لیے دعا کیجیے وہ ضرور آپ کو اس قابل بنا دے گا کہ آپ حق اور باطل میں فرق کر سکیں گے پھر آپ اس کے کلام میں غوروفکر کریں گے تو وہ آپ کو بتا دے گا کہ حق کیا ہے۔پھر اگر آپ اس کی باتوں کو مان لیں گے اور اس پر عمل کریں گے تو وہ نیکی کے کاموں کو آپ کے لیے آسان کر دے گا اور برائی سے آپ کو بیزار کر دے گا اور آپ کو اپنے محبوب بندوں میں شامل فرما لے گا