وَأَنَّ الْمَسَاجِدَ لِلہ ِفَلَا تَدْعُوا مَعَ اللہ ِأَحَدًا
اور یہ مسجدیں صرف اللہ ہی کیلئے خاص ہیں پس اللہ تعالیٰ کیساتھ کسی اور کو نہ پکارو
مسجد کے معنی سجدہ گاہ کے ہیں۔ سجدہ بھی ایک رکن نماز ہے اس لیے نماز پڑھنے کی جگہ کو مسجد کہا جاتا ہے آیت کا مطلب واضح ہے کہ مسجدوں کا مقصد صرف ایک اللہ کی عبادت ہے اس لیے مسجدوں میں کسی اور کی عبادت کسی اور سے دعا ومناجات،کسی اور سے استغاثہ و استمداد جائز نہیں۔یہ امور ویسے تو مطلقاََ ہی ممنوع ہیں اور کہیں بھی غیراللہ کی عبادت جائز نہیں ہے لیکن مسجدوں کا بطور خاص اسلئے ذکر کیا گیا ہے کہ ان کے قیام کا مقصد ہی اللہ کی عبادت ہے ۔اگر یہاں بھی غیر اللہ کو پکارنا شروع کردیا گیا تو یہ نہایت ہی قبیح اور ظالمانہ حرکت ہو گی۔لیکن بدقسمتی سے بعض بادان مسلمان اب مسجدوں میں بھی اللہ کیساتھ دوسروں کو بھی مدد کے لئے پکارتےہیں
سورة الجن،آیت نمبر:18( تفسیراحسن البیان، مولانا صلاح الدین یوسف)
